القناعة و الإيمان و أنفسنا المريضة  

by Ahmed Al khashab

أنا عمال أبكى
رغم كل البلاء اللى فيه الست دية
إلا أن القناعة اللى عندها
و فكرة نصرة الإسلام أول فكرة دعت بيها

و احنا منا
اللى مش مقتنع بحاله
و منا اللى يقول و احنا مالنا و نصرة الإسلام
احنا بلا شك نفوسنا مريضة

فلسطين و شبابنا النايتى  

by Ahmed Al khashab

فى هذه الأيام تمر علينا الذكرى الواحدة و الستين من إغتصاب فلسطين
و يقابلنى الناس يطالبوننى بعمل تدوينة على فلسطين
لأن الجميع سيقوم بعمل تدوينة على فلسطين فى هذا اليوم

و تذكرت أنه قد مر عام منذ أن طُـلب منى هذا الطلب

و فكرت و سألت نفسى ماذا فعلنا بعد تدويننا العام الماضى عن فلسطين
ماذا فعلنا لفلسطين فى هذا العام

رغى عالنت و شوية مظاهرات عبيطة و لا ليها أى لازمة
و محدش - ابوس ايده - يدخل يكلمنى عن أهمية المظاهرات علشان ما بقيتش طالبة خانقة والله

احنا حالنا بقى حسب مطلحات اليومين دول شباب نايتى
عمالين نرغى و نرغى
نطلع مظاهرات علشان نرغى

كان فيه كلمة للشيخ حسن البنا  بتقول
ميدان القول غير ميدان العمل

أقولكم احنا عمالنا إيه السنة اللى فاتت لفلسطين
احنا شاركنا فى الحرب على غزة

اه والله شاركنا فى الحرب دية بتخاذلنا الشديد
و إخواننا يقولوا هنعمل إيه أكثر من اللى عملناه

جتنا خيبة
احنا خايفين نتحرك بسبب عصيان و بمب الأمن المركزى
و إخواننا فى فلسطين اللى احنا أقل من التراب اللى بيمشوا عليه بيواجهوا أعتى الأسلحة الفتاكة و أطورها

حقاً... جتنا خيبة